هلووووو شباب و بنات .. طبعا اهدي هذا الموضوع لطلاب وطالبات كليه الرافدين واهداء خاص الى طلاب هندسه البرامجيات
طبعا شباب اكيد كل واحد من عدنا يدور ويدور على بنبوني ينعجب بي ويحبة واكيد هاي تصير بس تكمن المشكلة وهو اشلون يصارح المحبوب وشلون يكولة على مشاعرة تجاهة ...
طبعا اولا لازم نشوف المقابل ونوجهلة نظرات حساسة و شاعرية وطبعا لازم متكون مصطنعة يعني هي تصير وحدهة و تشوف المقابل شنو ردة فعلة هم يوجهلك نتظرات حساسة و نظرات اعجاب هنا نعتبر هاي النظرات هي (( الاوكي )) يعني كمل مسيرتك و هاي ما اتصور اكو احد ميعرفها بعد ان حصلنا الاوكي لازم نثبت نفسنا على هذا الموقف مدة معينة وهاي المدة تكون حسب نفسيتك اشوكت تقتنع بالمصارحة .... انتة وشخصيتك بس لازم يكون مو لعب بعد اذا تريد تلعب انتة وضميرك اني احجي هذا الكلام للجادين بالعلاقات ..
هسة رح نجي اشلون نصارح طبعا لازم تغمز تبتسم حتى تأخذ تأييد المجلس البلدي ومن حصلت التأييد تقدم معاملتك لصاحب الشأن (( البنبونية مالتك )) وهنا السؤال الصعب ؟؟؟؟؟ رح تكول شلون ... وشلون .. وشلون ..؟ سهلة اني رح انطيك طرق وانتة اتفنن بالطريقة بس لازم تعرف حالتها النفسية تتقبل متتقبل المواجهة يعني مو هية ضايجة وتروح عليها .... او هي تضحك وتروح عليها وابد ابد ابد لتروح عليها ويمها ولد حاول تلكفها وحدها واذا مكدرت حاول تجيت من تشوفها وية صاحبتها الي طبعا انتة تشوفها وياها يومية وهنا انتة شنو تلح وراها وين متروح حتى تحاول تلكف فرصة حلوة مناسبة تحاجيها بيها ..
طرق الفوتات :
اولا : هو ان تعدل نفسك و تعطر نفسك وتهجم كالاسد و تباوع على سنونك مو تروح كلك ريحة جكاير و مغاسل سنونك لا روح معطر و متأنق وطلب من عدها دقيقة من وقتها و شوفها شراح تكول اذا رفضت بطريقة مؤدبة انت شنو حاول تقدملها مشاعرك و تمنياتك الها بكل الخير مو تبدل انتة هم ( هاي اذا انت تريدها صدك ) و حاول ان تختصر حديثك وياها ولتطلب منها اجابة سريعة خليها تفكر حتى لا بعدين تحس بالندم و تنجرح مشاعرها خليها تفكر براحتها .. واذا رفضت رفض نهائي انسحب بكل ثقة و اتمنالها الموفقية .. ولتفكر بالردود مالتها ابد قبل متشوف شنو ردها ( لتكوم ترجف ) فوت بثقة ولتوغف
اثنين : حاول تسأل عليها اذا كنت من زملائها او وياها بالكلية .. ونشوف ردودكم يا حدايق و اكمل الموضوع اذا عجبكم لأن اني معجب بوحدة بكلية الهندسة الجامعة المستنصرية .. ودا استخدم هاي الطرق بس المشكلة اني (( عندي خلگ )) يعني اصبر اتأكد فد مرة يالة افووت و اصارحها مأخلي نفسي بموقف لا أحسد عليه وتحياتي الكم