قصيدة غزل للبنات بس بغير شكل

موتوا بغيظكم يالبنات
هاي قصيدة غزل الكم بس غير شكل


غلطة سميتك حبيبي . . .
وضيعت بيك العمر
ما عرفتك شخص ثاني . . .
خاتل بثوب الغدر
لن حسبتك مثل روحي. . .
تضحي تصبر تنتضر
غلطة سميتك حبيبي. . .
وغلطة شبهتك كمر
وكتلك دلل عليه. . .
كول تؤمرني امر
وغلطة سميتك حبيبي. .
وسفه اكتبلك شعر
الشعر عندي احله منك. . .
رقه احساس وسحر
الشعر يحضن ورقته. . .
وأبد ماخان السطر
**********
انتي تدرين انتي شنهو. .
صبري سمعي للخبر
انتي ريحة دفلة مرة. . .
تخجل اكبال العطر
انتي زوري وفات وكته. . .
مجسب وطعمج زفر
انتي عكرب انتي حيه. . .
بنابج السم منتشر
انتي صبار الصحاري. . .
يابسه وردج ابرِ
انتي تمساح ودموعه. . .
كاذبه وتحمل غدر
انتي عينج عين ثعلب. . .
خصصت بس للمكر
انتي جلحه انتي ملحه. . .
وجهج مخلبص قذر
انتي خدج ماهو كيمر. .
خدج اصخام الجدر
انتي ايدج ربد قزمه. . .
حافي يابس منفطر
انتي مستنقع طحالب. . .
آسنه وميج عكر
انتي ساكج ساك لبوة . . .
تكتل بزود الظفر
انتي طولج بطل ببسي. . .
ما وصل ربع المتر
انتي بآلآخر صفيتي. . .
خامه معروفه السعر
هوايه والله هوايه كتبو. . .
سجلو سعرج صفر


مو كلتلكم غزل غير شكل